شیخ صدوق علیہ رحمہ کی یہ کتاب معانی الاخبار کے نام سے معروف ہے اس اعتبار سے ممتاز و بے مثل ہے کہ اس میں کلام معصوم (ع) کو کلام امام (ع) کے ذریعہ سے سمجھانے کی کوشش کی گئی ہے- ایک معصوم (ع) کے کلام کی وضاحت دوسرے معصوم (ع) کے کلام سے ہوجاتی ہے اور اگر کوئی حدیث معصوم (ع) سے غلط منسوب کر دی گئی ہو یا اس میں کوئی تبدیلی واقع ہوۂی ہو تو دوسرے معصوم (ع) اس کی وضاحت کر دیتے ہیں کہ میرے جد نے یہ نہیں فرمایا تھا یا میرے جد نے اس طرح نہیں بلکہ اس انداز میں فرمایا تھا- یہاں باتوں کا کیا اختلاف ہوگا جہاں اول بھی محمد (ع) ہے اوسط بھی محمد (ع)، جہاں آخر بھی محمد (ع) ہے بلکہ کل محمد (ع) ہیں- شیخ صدوق علیہ رحمہ نے تقریبا ہر معصوم (ع) سے روایت کو نقل کیا ہے-