اس کتاب میں جب آپ قرآنی آیات آیات اور روایات اسلامی کا مطالعہ فرمائیں گے تو آپ پر عیسائیت کی حقیقت پوشیدہ نہ رہ سکے گی- خاص طور سے اس میں بادشاہ مامون الرشید کے عہد حکومت میں مشہور مناظرہ جو حضرت امام علی رضا علیہ السلام کا ہے پڑھیں گے تو آپ کی دلچسپی اور بھی بڑھتی جائے گی- جس مناظرہ میں امام علی رضا علیہ السلام نے تن و تنہا مسیحی عالم (پادری) کو اناجیل اور تورات سے حضرت عیسی و حضرت مریم (ع) کا تذکرہ اور انجیلوں کی تحریف کا ذکر کیا ہے، سارے حقائق سامنے عیاں ہو جائیں گے- پھر حضرت عیسی علیہ السلام کی عبرتناک باتیں اور نصیحت آمیز مواعظ، جو چہاردہ معصومین: حضرت محمد و آل محمد علیہم السلام کے ذریعے سے ہم تک پہنچی ہیں، پڑھ کر “اصلی عیسی” جو “اسلامی عیسی” یعنی “مسیح در قرآن” ہیں ان کی معرفت حاصل کرنے میں آسانی ہوگی-