آیات اور روایات میں میاں بیوی کے جو حقوق رکھے گئے ہیں اگر ان دونوں پر عمل نہ کیا جائے تو معاشرے میں تلخی و ناچاقی، کدورت و عداوت، حسادت و خیانت، لعنت و عقوبت، کثافت و نجاست، حسد و کینہ، بدخلقی اور بدکرداری جیسے صفات رذیله جنم لیتے ہیں اور اگر ان شرعی حقوق پر عمل کیا جائے تو شیرینی و چاشنی، الفت و محبت، عظمت و شرافت، رحمت و برکت، قداست و طهارت، عبادت واطاعت جیسے صفات حسنہ سے معاشرہ معمور ہو جاتا ہے -قرآن کریم اور معصومین علیہم السلام نے اچھے اور برے دونوں جوڑوں کی نشاندہی کردی ہے تاکہ کہ میاں بیوی اپنے فرائض کو سمجھیں اور اس پر عمل کریں تاکہ الہی رحمت وجنت سے سرفراز ہوں اور خدائی لعنت وعقوبت سے اپنے دامن کو محفوظ رکھیں-

پیش نظر کتاب ’’همسران رحمت شده و همسران نفرین شده حجت الاسلام سید ہاشم ناجی جزائری کی تالیف اور فارسی ترجمہ ہے جس کو عالمہ ، ذاکرہ، فاضل معلم مدرسۂ فضه خواهر گرامی خیزران خاتون رضوی نے بڑی دیانت داری ونہایت عرق ریزی کے بعد اردو کا پیراہن بعنوان ’’ شامل رحمت و قابل لعنت میاں بیوی‘ عطا کر دیا ہے۔