حضرت امام جعفر صادق علیہ السلام کی ذات گرامی سلسلہ عصمت و امامت کی وہ نمایاں کڑی ہے جس کے ذریعہ علوم و اسرار کثیر زمانہ پر منکشف ہوئے۔ مدینۂ منورہ میں آپ کا مدرسه وہ مدرسہ تھا جہاں تشنگان علوم کی ایک کثیر تعداد موجود رہتی تھی۔ ان شاگردوں میں ایک نمایاں شخصیت حضرت جابر بن حیان کی تھی جنہوں نے امام جعفر صادق سے کسب فیض کے بعد دو سو سے زائد کتب تیار کئے- آج یورپ میں سائنسی علوم کی جو ترقی ہے اس کی خشت اول جناب جابر ابن حیان کے وہ نظریات ہیں جن کی جانب امام نے ان کی رہنمائی کی۔ اس کتابچہ میں بھی امام اور جابر کا وه مکالمہ ہے جس کے ذریعہ بہت سے حقائق منظر عام پر آئے ہیں- ماضی میں بھی ادارۂ اصلاح کے ذریعہ یہ شائع ہو کر کافی مقبول رہا اور اب ضرورت و تقاضوں کے پیش نظر اسے ایک بار پھر زیور طباعت سے آراستہ کیا گیا ہے۔ تاک تشنگان علوم اس سے استفادہ کرسکیں-