آج ہر مسلمان مرد و زن پر واجب ہے کہ وہ اس فانی دنیا میں اپنی عقبہ کی حفاظت کے لئے عبادات کو صحیح انجام دے اور حلال وحرام کی پہچان کے لئے سب سے پہلے اس علم کو حاصل کرنےکے لئے اقدام کرے، اسی مقصد کے پیش نظر ہم نے نسل آیندہ کی سہولت اور احکام دین کے سہل و آسان پیش کرنے کے لئے اس کتاب کو ایک نئے انداز میں پیش کرنے کی کوشش کی ہے جس میں شرعی مسائل کو سوال و جواب کی شکل میں تحریر کیا گیا ہے تاکہ قارئین حضرات باآسانی اپنے سوالوں کا جواب اسرع وقت میں حاصل کر سکیں اور شرعی مسائل کی پیچیدگیوں میں گمراہ ہونے سے محفوظ رہیں-